Henry Notakers Norsk Matportal 

Vestnorsk Kulturakademi, Voss

Kurstilbod 2002/ 2003, Pensum , Søknadsskjema

MATKULTUR VED VESTNORSK KULTURAKADEMI

Universitetet i Bergen/Vestnorsk kulturakademi

Tlf. 56 51 32 50, 56 51 71 70  Faks 56 51 37 40  e-postadr.  post@kulturakademi.no 

For nærare opplysningar om studiet: eldbjorg.fossgard@kulturakademi.no

Vestnorsk kulturakademi

Stiftinga Vestnorsk kulturakademi (VKA) er eit utdanningssenter og regionalt kompetansesenter for tradisjons-kunnskap og kulturbasert næringsutvikling. Ei av målsetjingane har vore å ta vare på den erfaringsbaserte, handlingsborne kunnskapen  i handverk, husflid og andre bygdenæringar, og å vidareformidle slik kunnskap til nye generasjonar. I samarbeid med Universitetet i Bergen er det  blitt utvikla tre delfagsstudium (kvar med to 5-vekttalsmodular) ved kulturakademiet i   Vestnorsk kultur- og tradisjonsformidling, Matkultur og Drakt og samfunn. (Det vil ikkje bli undervist i faget Drakt og samfunn 2002-03.)

            Vestnorsk kulturakademi omfattar vidare verkstader for trearbeid, vevstove og matverkstad (prøvekjøken), og tilbyd også kortare kurs i lafting, grindbygging og andre handverksteknikkar, praktisk matlaging, brygging, ysting m.m. Frå hausten 2001 og fram til 2004 driv VKA eit større matkulturprogram der målet er utvikle eit konsept for kulturbasert næringsutvikling på matområdet, der ein vil legge vekt på generelle og spesialiserte kurs for småskala-produsentar, kommersiell nettverksdrift og utvikling av sertifiseringsordningar for kulturbasert matproduksjon.   

 Matkulturstudiet

Vestnorsk kulturakademi har i  samarbeid med Institutt for kulturvitskap og kunsthistorie (IKK), Universitetet i Bergen etablert to 5-vekttals modular i matkultur, og blir nå gjennomført for fjerde gong. Det faglege ansvaret for studiet ligg ved Institutt for kulturvitskap og kunsthistorie (IKK) ved Universitetet i Bergen. Vekttalsmodulane ved VKA  er hittil det einaste fast etablerte og kompetansegjevande vidareutdanningstilbodet på matkultur-området innanfor cand.-mag.-systemet på universitetsnivå her i landet. Frå hausten 2002 vil modulane inngå som studieemne i bachelorgraden i kulturformidling ved Universitetet i Bergen.           

            Studiet skal gi ei innføring i matkultur ut i frå eit kulturhistorisk og kulturteoretisk perspektiv, og drøftar sambanda mellom den europeiske, den skandinaviske og den norske matkulturen. Ved sida av å fokusere på konservering, tillaging og konsumering av  matvarene, legg ein i faget også vekt på tankar, idear, forestillingar og holdningar til mat og måltid ein finn i ulike grupper i samfunnet. Dei symbolske og rituelle sidene ved mat- og måltidskultur vil bli fokusert. 

            Undervisningsopplegget er forskingsbasert. Den pedagogiske grunntanken om læring gjennom handling står sentralt. Undervisninga  inkluderer dermed også praktiske øvingar innanfor matkultur med tradisjonsberarar  og matfaglege personar som formidlarar. Sjølv om studiet ikkje først og fremst er praktisk innretta, gjev kombinasjonen teori og praksis ei djupare forståing av samanhengane i lokal og regional matkultur.

Målsetjing og målgrupper

Studentane skal tileigne seg grunnleggjande kunnskapar om mat- og måltidskultur, og gjennom jamførande studiar skal dei skaffe seg innsikt i kulturhistorie og kulturteori.

            Matkultur er eit utdannings- og vidareutdanningstilbod til alle med interesse for matkultur i fortid og nåtid. Studiet rettar seg mot studentar ved universitetet, lærarar i alle skoleslag, tilsette i museums-, hotell-, restaurant- og næringsmiddelbransjen, næringsmiddelkontrollen og mot etablerarar i landbruket som driv, eller som ønskjer å starte ei næringsverksemd innanfor  småskala matproduksjon,

Undervisning og eksamen

Undervisninga  er konsentrert om fem samlingar i  haustsemesteret 2002  (KUMAD 151)og fem samlingar i vårsemesteret 2003 (KUMAD 152). Kvar samling går over 2,5 dagar (onsdag-fredag), og omfattar 12-14 undervisningstimar.

             Kvart halvår blir avslutta med eksamen (5 vekttal/ 15 studiepoeng). Dei to modulane heng i hop, men blir ståande med kvar sin karakter på vitnemålet.

Eksamen i modul I,  KUMAD 151 omfattar ei skriftleg obligatorisk oppgåve, før ein 6-timars skriftleg eksamen.

 Eksamen i modul II, KUMAD 152 omfattar ei skriftleg semesteroppgåve (8-14 A4-sider med linjeavstand 1,5), og ein  munnleg eksamen. Karakteren på semesteroppgåva tel 2/3, munnleg eksamen 1/3. Frå hausten 2002 vert  karakterskalaen frå A til F nytta.

Praktisk arbeid i matverkstaden og ekskursjonar

Utprøving av tradisjonelle og nye matrettar vil  foregå i  matverkstaden (prøvekjøkenet) ved Vestnorsk kulturakademi.  Det er også lagt inn kortare ekskursjonar i distriktet til småskala-produsentar  og verksemder knytta til matkultur. I modul II vil det i tillegg til dei fem samlingane bli lagt inn eit ekstra tilbod om ein 4 dagars ekskursjon til Grythyttan i Sverige, der vi m.a. besøkjer Måltidens Hus i Norden. 

Kostnader

Studieavgift kr 6000,- per semester (kr 12 000,- for KUMAD 151 OG 152). Utgiftene til ekskursjonen til Sverige er rekna til ca kr 4000,- ( ikkje obligatorisk) og  kjem i tillegg. Småturar i distriktet går helst med privatbilar, slik at deltakarane deler på kjøreutgiftene. Kompendium (ca. kr 350,-) blir selt ved VKA. Studentane betalar for kaffi, rundstykke m.m. på samlingane og for maten ved samkomer om kvelden. Størstedelen av råvarene som blir brukte i matverkstaden,  inngår i kursavgifta.

Last update at notaker.com 17 JUN 2002.